لوين رايحين

حبايب قلبي
أهل أول ماتركوا شي ماقالوه
مثلاً قالوا: لا تكن ليناً فتعصر ولا تكن قاسياً فتكسر
بعض البشر بيقلك: أنا بدي كون جبل أحسن ما كون تراب
ونسي أنو كل الجبال بتتحول لتراب ورمل وحجار
ولحتى أنمي حضارتنا ياحبايب قلبي
لاتروحوا لبعيد
ولا للأقصى
خلينا معتدلين
بتقدر يا صديقي تكون صاحب قرار وشخصية مستقلة بدون ما تكون عنيد وقاسي
يعني كون متل المي لأنها هي الحياة
لاتراب ولاصخر
المي اللي بتروي الروح والأرض
ومن غيرها ما بنقدر نعيش
المهم تكون نافع ولين متلها
تسبح مع التيار
لما الدنيا بتقسى عليك سايرها لا تقاومها
ولما بتعطينا لا نطمع
وشارك فرحك مع جارك وأهلك
لأنو الفرح بيعدي
والحزن بيعدي
والكره بيعدي
والخوف بيعدي وبيشكل حالة سلبية
بس الحب والأمل والتفاؤل أحلا عدوى
والقناعة بتشكل حالة إيجابية لكل الناس
خاصة تأثيرات الحرب وكل أمراضها الاجتماعية ظهرت أخيراً
فرق متطوعة لحماية الحيوانات
في أحلا من رعاية الحيوان
يا أيها الإنسان لأن رعاية الحيوان هي رحمة
ياحبايب قلبي
دقوا باب قلبكم وأزرعوا فيه الحب والدفئ والرحمة والقناعة
كون رحيم مع الكبير قبل الصغير
كون كريم على جسمك ولا تحمله أكتر من طاقته
عطيه لحتى يعطيك
ركز عالأطفال يلي هنّا الأمل
وخود منهم برائتهم
اللي أنت نسيتها لما كنت طفل
عبر عن مكنونات روحك بالإقناع مو بالشراسة والعنف
لاتصادر حقوق غيرك لحتى ما تتصادر حقوقك
الكرامة حق
والمسامحة حق
أمشي مع التيار الصح ولا تعاند العواصف .
التوازن حلو
والعقل زينة
ولما بتحقق كل هدول بتوصل لتوازن الروح والقناعة
وأكيد وقتها يا حبايب قلبي بتعرفوا لوين رايحين

شاهد أيضاً

لوين رايحين

الحياة حلوة والأحلى هو الحب وبزاويتي هي حابب أحكي عن الحب والكره نعم الحب والكره …